IKA TONDU KOGINAWAANKU

Mimang oku do karati toririmo suang ginawonu
om daa koilo oku nunu kolungguianku it kosinduol dika...
boros toi ko kowoyowoyoonku
it au osokoyut gumompi dika...

Id ginawoku ika noh koupusanku
koginawaan om langadku toririmo
mada oku momusorou do atagakan dika
tuh ika noh ipionku
tondu kalansananku
uhangku toririmo id ginawoku...

Koupusanku
boros ginawoku mupus dika sogigisom
lansanku ika toririmo id koposionku
au oku katama songulunan inggino koh id ginawoku
tuh ika noh babangku
tulinau dit monitiw ralanku
pinuhoboku
suang ginawoku
ika noh tondu koginawaanku...